Gaur egun gizarte global eta konektatu batean bizi gara arlo guztietan, lan arloan barne. Lan egiteko modua, prozedurak eta erabilitako tresnak aldatu egin dira. Ikastaro honetan, Internetek eta teknologia berriek gure lanaren garapena errazteko eta produktibitatea handitzeko eskaintzen dizkiguten aukerak erakusten dira, baita bizitza errazten diguten beste ekintza batzuk ere, hala nola administrazio-izapideak egitea, Interneten komunikatzea, sare sozialak erabiltzea, etab.
Zein da helburua?
- Edozein informazio bilatzea bilatzaileen bidez.
- Online komunikazio-tresnak ezagutzea, bai sinkronoak bai asinkronoak.
- Modu eraginkorrean komunikatzea posta elektronikoaren bidez.
- Modu eraginkorrean komunikatzea bideodeien bidez.
- Edukia sare sozialetan argitaratzea.
- Netiketa arauak ezagutzea sareko gune ezberdinetan.
- Online kudeaketakegitea, hala nola medikuaren hitzorduaeskatzea edo administrazio-izapideak egitea.
- Online lankidetza-tresna ezberdinak ezagutzea.
- Edukiak formatu ezberdinetan sortzeko egokiak diren tresnak identifikatzea.
- Diseinu bat sortzea multimedia tresnak erabiliz, hala nola Canva.
- Teknologia digitalak erabiltzean mehatxu eta arrisku ohikoenak identifikatzea.
- Geure burua eta besteak babestea teknologia digitalak erabiltzean.
- Ekipamendu eta gailu teknologikoen oinarrizko mantentze tekniko bat egitea.
Betekizunak
- Ordenagailuaren eta Interneten erabileran oinarrizko ezagutzak izatea.
Ikastaroaren laburpena
- Mugatu sareko bilaketak
- Gai honetan, bilaketa arrakastatsua egiteko aholku batzuk ematen dira, une bakoitzerako bilatzaile egokia erabiliz eta emaitza hobeak lortzea ahalbidetzen duten irizpide aurreratuak aplikatuz. Gainera, webgune jakin bat fidagarria den eta lasai kontsulta daitekeen jakiteko gako batzuk aurkezten dira.
- Antolatu online-harremanak
- Gai honetan online komunikaziorako tresnak jorratzen dira, posta elektronikoak eskaintzen dituen aukerei arreta berezia eskainiz, posta elektronikoak irakurtzeaz edo erantzuteaz haratago: kontaktuak, konfigurazioa, programazioa, etab.; eta bideo-deiak, baita tresna horiek lan-ingurunean duten erabilgarritasuna ere.
- Atera etekina Interneti eta sare sozialei
- Gai honetan, dauden sare-motak aztertzen dira, helburuaren arabera, eta lan-ingurunean Facebook eta LinkedIn-en erabilera espezifikoa erakusten da. Gainera, Interneten beste erabilera batzuk erakusten dira, sare sozialetatik haratago: izapideak egitea, prestakuntza, lan-bizitzaren kontsulta, aisialdiko jarduerak, herritarren parte-hartzea, etab.
- Ikasi nola jokatu
- Gai honetan, Sareko portaera-arauak aurkezten dira: netiketa; eta elkarri eragiten dioten bitarteko espezifikoen arabera egiten da: txata, foroa, posta, sare sozialak etab.
- Aritu elkarlanean eta partekatu ezagutza!
- Gai honetan, lan-ingurunean erabilgarriak diren elkarlanerako hainbat tresna (hodei-biltegiratzea, lineako editoreak, biltegiak, wikiak, etab.) eta kudeaketa-tresna (egutegi partekatuak, proiektuen kudeatzaileak, urruneko kontroleko aplikazioak) aurkezten dira. Gainera, tresna horietako baten bidez edukiak beste pertsona batzuekin nola partekatu erakusten da.
- Sortu eta editatu multimedia edukia
- Gai honetan hainbat motatako fitxategiak (multimedia, irudiak, podcast, bideoak, aurkezpenak, etab.) sortzeko tresnen zerrenda bat aurkezten da, eta gaur egun zabalduenetako bat nola erabili erakusten da: Canva. Gainera, webguneko irudiak lizentzia kontuan hartuta nola erabili edo irudi propioak nola sortu irakasten da, baita baliabideak behar bezala nola antolatu ere (izena, kokapena, etab.).
- Sahiestu sareko arriskuak
- Gai honetan, Sarean ohikoenak diren mehatxuak eta erasoak deskribatzen dira, bai eta nola ekidin ere, gure gailuak segurtasunez erabiltzeko. Gainera, teknologiaren erabilera horrek gure osasunerako dakartzan arriskuak erakusten ditu.
- Zaindu gailua
- Gai honetan, gure gailuen mantentze egokia nola egin erakusten da, arazoak saihesteko eta funtzionamendua egokia izan dadin. Horrez gain, erabilerak ingurumenean eragiten dituen inpaktuak nola murriztu ere erakusten da, kaltegarria izan baitaiteke ingurumenarentzat.
- Jarraitu ikasten
- Gai honetan, ikastaroan zehar landutako edukiaren laburpen eskematizatua eskaintzen da, eta formakuntzarekin jarraitzeko eskuragarri dauden laguntza-materialen sarrera egiten da.
Aztertutako gaitasun digitalak
- 1.1 Datuak, informazioa eta eduki digitalak bilatzea, iragaztea eta haietan nabigatzea
- Ingurune digitaletan informazio-beharrak artikulatzea, datuak, informazioa eta edukiak bilatzea, horiek eskuratzeko eta haietan nabigatzeko. Bilaketa-estrategia pertsonalak sortzea eta eguneratzea.
- 1.2 Datuak, informazioa eta eduki digitalak ebaluatzea
- Datu, informazio eta eduki digitalen baliabideen fidagarritasuna eta seriotasuna modu kritikoan aztertzea, alderatzea eta ebaluatzea. Bilaketa pertsonaleko datuak, informazioa eta eduki digitalak modu kritikoan aztertzea, interpretatzea eta ebaluatzea.
- 1.3 Datuak, informazioa eta eduki digitalak kudeatzea
- Ingurune digitaletan datuak, informazioa eta edukiak antolatzea, biltegiratzea eta berreskuratzea. Ingurune egituratuetan antolatzea eta prozesatzea.
- 2.1 Teknologia digitalen bidez elkarreragitea
- Hainbat teknologia digitalen bidez elkarreragitea eta testuinguru jakin baterako egokiak diren komunikabide digitalak ulertzea.
- 2.2 Teknologia digitalen bidez partekatzea
- Datuak, informazioa eta eduki digitalak beste batzuekin partekatzea, teknologia egokien bidez. Bitartekari gisa jardutea, erreferentziako eta atribuzioko jarduerak ezagutzea.
- 2.3 Herritarren parte-hartzea teknologia digitalen bidez
- Gizartean parte hartzea, zerbitzu digital publikoak eta pribatuak erabilita. Nork bere burua ahalduntzeko eta herritarren partaidetzarako aukerak bilatzea, teknologia digital egokien bidez.
- 2.4 Teknologia digitalen bidezko lankidetza
- Tresna eta teknologia digitalak erabiltzea lankidetza-prozesuetan eta datuak, baliabideak eta ezagutza batera eraikitzeko eta sortzeko.
- 2.5 Portaera sarean
- Teknologien erabileran eta ingurune digitaletako interakzioan adi erreparatzea portaera-arauei eta “know-how”ari (jakin nola). Komunikazio-estrategiak audientzia espezifiko baterako egokitzea, ingurune digitalen kultura- eta belaunaldi-aniztasuna kontuan hartuta.
- 2.6 Nortasun digitalaren kudeaketa
- Identitate digital bat edo batzuk sortzea eta kudeatzea norberaren erreputazioa babestu ahal izateko, hainbat tresna, ingurune eta zerbitzu digitalen bidez norberak sortutako datuak tratatzeko.
- 3.1 Edukien garapena
- Eduki digitalak hainbat formatutan sortzea eta editatzea; bitarteko digitalen bidez adieraztea.
- 3.2 Eduki digitala integratzea eta berregitea
- Lehendik dagoen ezagutza-multzo batean informazioa eta edukia aldatzea, hobetzea eta integratzea eduki berriak, originalak eta esanguratsuak sortzeko.
- 3.3 Egile-eskubideak (Copyright) eta jabetza intelektualeko lizentziak
- Ulertzea nola eskatzen diren egile-eskubideak eta jabetza intelektualeko lizentziak dituzten datu, informazio eta eduki digitalak.
- 4.1 Gailuak babestea
- Gailu eta eduki digitalak babestea, eta ingurune digitaletako arriskuak eta mehatxuak ulertzea. Segurtasun-neurriak ezagutzea eta fidagarritasuna eta pribatutasuna kontuan hartzea.
- 4.2 Datu pertzonalen babesa eta pribatutasuna
- Datu pertsonalak eta pribatutasuna babestea ingurune digitaletan. Informazio pertsonal identifikagarria nola erabili eta partekatu ulertzea, eta norbera eta besteak kalteetatik babesteko gai izatea. Ulertzea zerbitzu digitalek “pribatutasun-politika” bat erabiltzen dutela datu pertsonalen erabilerari buruzko informazioa emateko.
- 4.3 Osasuna eta ongizatea babestea
- Teknologia digitalak erabiltzean osasun fisiko eta mentalerako arriskuak saihesteko gaitasunak. Norbera eta beste batzuk ingurune digitalen arriskuetatik babesteko gaitasuna (adibidez: cyber-bullying).
- 4.4 Ingurumenaren babesa
- Teknologia digitalaren eta haren erabileraren eraginaz jabetzea.
- 5.1 Arazo teknikoak konpontzea
- Gailu eta ingurune digitalen erabileran arazo teknikoak identifikatzea eta konpontzea (oinarrizkoenetatik hasita konplexuenetara).
- 5.2 Behar eta erantzun teknologikoak identifikatzea
- Beharrak ebaluatzea, tresna digitalak eta erantzun teknologiko posibleak identifikatzea, baloratzea, hautatzea eta erabiltzea, eta konponbideak ematea. Ingurune digitalak behar pertsonaletara egokitzea eta pertsonalizatzea (adibidez, irisgarritasuna).
- 5.4 Gaitasun digitaletan hutsuneak identifikatzea
- Nire gaitasun digitalak non hobetu edo eguneratu behar ditudan identifikatzea. Besteei beren gaitasun digitalak garatzen laguntzeko gai izatea. Autoikaskuntzarako aukerak bilatzea eta egunean egotea, mundu digitalaren bilakaeran.
Estekak eta dokumentazioa
-
Kategoria
Laguntza-ikastaroak -
Ikastaro mota
Urrunekoa -
Iraupena
10 ordu -
Zein gailuri zuzendua
PC eta Gailu mugikorrak -
Gaitasun digitalen maila
Erdikoa B1
Erdikoa B2 -
Edukiaren eguneratze-data
2023/05/30
Europar Batasunak finantzatutako proiektua, 19. osagaiaren ("Digital Skills" Gaitasun Digitalen Plan Nazionala), 1. inbertsioaren (Zeharkako Gaitasun Digitalak), Suspertze, Transformazio eta Erresilientzia Planaren esparruan – NextGenerationEU.
Informatu hurrengo datei buruz
Bilatu gehien interesatzen zaizkizun hurrengo datak, izena eman, eta zatoz gure ikastaroekin ikastera.
Horrelakoak dira gure urruneko ikastaroak
Sarbidea
Egin ikastaroa noiznahi eta nonahi, gure ikaskuntza-plataformatik.
Irakasleak
Gure hezitzaileek tutorizatutako ikastaroak.
Ziurtagiria
Ikastaroa amaitzean, bertaratze-ziurtagiria eskuratuko duzu.
Formakuntza teoriko-praktikoa
Gure ikastaroek teoria eta ariketa praktikoak izaten dituzte.
Foroak
Parte-hartze aktiboa ikastaroak irauten duen artean.
Zalantzak
Zalantzak dituzu ikastaroan zehar? Egin bideotutoretzak gure hezitzaileekin, eta argitu zalantzak.