Ikastaro honetan gailu mugikorrean, berdin du telefono batean edo tableta batean, bizitza errazteko buru ditzakegun oinarrizko ekintzak erakusten dira. Ordenagailurik gabe Internetera sartzea, fakturan koste gehigarriak izan gabe kontaktuekin harremanetan jartzea, edukia sortzea, edozein lekutik online izapideak (hala nola hitzordu medikoa eskatzea) burutzea... Hori guztia nola egin ikusiko duzu, beti ere segurtasuna kontuan hartuz. Gainera, arazo tekniko ohikoenetako batzuk konpontzen ikasiko duzu.
Zein da helburua?
- Interneterako sarbidea duen sare batera konektatzea.
- Edozein informazio bilatzea bilatzaileen bidez.
- Webgune batetik eratorritako informazioa gordetzea.
- Online komunikazio-tresnak ezagutzea, bai sinkronoak bai asinkronoak.
- Modu eraginkorrean komunikatzea posta elektronikoaren bidez.
- Mezularitza-aplikazioak erabiltzea komunikazio eraginkorra izateko.
- Edukia argitaratzea sare sozialetan.
- Netiketaren arauak ezagutzea.
- Online kudeaketak burutzea, hala nola hitzordu mediko bat eskatzea edo erosketak egitea.
- Gizartean modu aktiboan parte hartzeko aukera ematen duten aplikazioak ezagutzea.
- Dokumentu bat sortzea Google Suite erabiliz.
- Fitxategiak partekatzea telefono adimendun bat erabiliz.
- Geure burua eta besteak babestea teknologia digitalak erabiltzean.
- Arazo tekniko ohikoenak konpontzea.
Betekizunak
- Gailu mugikor bat izatea, ahal dela Android
- Gomendagarria da gailuan memoria edukitzea ikastaroaren jarraipen egokia egiteko
Ikastaroaren laburpena
- Lortu Interneterako sarbidea gailu mugikorretik!
- Gai honetan gailu mugikor batetik Internetera nola konektatu azaltzen da, nabigatzaile mugikorren funtzionamenduaz gain. Gailu horietan bilaketak nola egin eta interesatzen zaigun informazioa gure gailuan nola gorde erakusten da, betiere egile-eskubideak errespetatuz.
- Hitz egin kontaktuekin faktura goratu gabe
- Gai honetan deskribatzen da nola hitz egin gailu mugikor batetik Internet erabiliz, posta elektronikoaren, berehalako mezularitzako aplikazioen edo sare sozialen bidez. Aplikazio bakoitza nola deskargatu eta erabili erakusten du, baita behar bezala komunikatzeko (netiketa) eta gure identitate digitala eraikitzeko gomendio batzuk ere
- Egin itzazu online kudeaketak gailu mugikorretik
- Gai honetan, gure gailu mugikorra edozein lekutatik eta edozein unetan erabiliz egin daitezkeen kudeaketa batzuk aurkezten dira, Interneterako konexioa izanda soilik: erosketak egitea, banku-kudeaketak, hegazkin-txartela erostea, etab., eta herritarrek parte hartzeko dituzten aukerak. Kudeaketa bakoitzerako aplikazio espezifiko batzuk zerrendatzen dira, eta zehatz-mehatz azaltzen da nola eskatu hitzordu mediko bat Osakidetza aplikazioarekin.
- Sor itzazu edukiak edonon
- Gai honetan, gure gailu mugikorrarekin sor ditzakegun eduki motak erakusten dira, eta horietako batzuk sortzeko urratsak azaltzen dira: irudiak eta dokumentu ofimatikoak; eta Internet edo Bluetooth erabiliz horiek nola partekatu.
- Babestu gailua
- Gai honetan, gure gailu mugikorrak erasoetatik eta software maltzurretik babesteko aholku batzuk aurkezten dira, dauden arriskuak murrizteko.
- Babestu zeure burua eta ingurumena
- Gai honetan, gailu mugukorrak erabiltzearen ondorioz gure osasunean eta gure ingurunean eragina izan dezaketen arriskuak aurkezten dira, eta horiei aurrea hartzeko aholku batzuk ematen dizkigu.
- Arazorik al duzu gailuarekin? Ikas ezazu horiek konpontzen
- Gai honetan, teknologiak erabiltzean izan ditzakegun arazo tekniko batzuk aurkezten dira, eta horientzako irtenbide posible batzuk adierazten dira, modu eraginkor eta arinean erabiltzen jarraitzeko aukera ematen digutenak.
- Jarraitu ikasten
- Gai honetan, ikastaroan zehar landutako edukiaren laburpen eskematizatua eskaintzen da, eta formakuntzarekin jarraitzeko eskuragarri dauden laguntza-materialen sarrera egiten da.
Aztertutako gaitasun digitalak
- 1.1 Datuak, informazioa eta eduki digitalak bilatzea, iragaztea eta haietan nabigatzea
- Ingurune digitaletan informazio-beharrak artikulatzea, datuak, informazioa eta edukiak bilatzea, horiek eskuratzeko eta haietan nabigatzeko. Bilaketa-estrategia pertsonalak sortzea eta eguneratzea.
- 1.2 Datuak, informazioa eta eduki digitalak ebaluatzea
- Datu, informazio eta eduki digitalen baliabideen fidagarritasuna eta seriotasuna modu kritikoan aztertzea, alderatzea eta ebaluatzea. Bilaketa pertsonaleko datuak, informazioa eta eduki digitalak modu kritikoan aztertzea, interpretatzea eta ebaluatzea.
- 1.3 Datuak, informazioa eta eduki digitalak kudeatzea
- Ingurune digitaletan datuak, informazioa eta edukiak antolatzea, biltegiratzea eta berreskuratzea. Ingurune egituratuetan antolatzea eta prozesatzea.
- 2.1 Teknologia digitalen bidez elkarreragitea
- Hainbat teknologia digitalen bidez elkarreragitea eta testuinguru jakin baterako egokiak diren komunikabide digitalak ulertzea.
- 2.2 Teknologia digitalen bidez partekatzea
- Datuak, informazioa eta eduki digitalak beste batzuekin partekatzea, teknologia egokien bidez. Bitartekari gisa jardutea, erreferentziako eta atribuzioko jarduerak ezagutzea.
- 2.3 Herritarren parte-hartzea teknologia digitalen bidez
- Gizartean parte hartzea, zerbitzu digital publikoak eta pribatuak erabilita. Nork bere burua ahalduntzeko eta herritarren partaidetzarako aukerak bilatzea, teknologia digital egokien bidez.
- 2.4 Teknologia digitalen bidezko lankidetza
- Tresna eta teknologia digitalak erabiltzea lankidetza-prozesuetan eta datuak, baliabideak eta ezagutza batera eraikitzeko eta sortzeko.
- 2.5 Portaera sarean
- Teknologien erabileran eta ingurune digitaletako interakzioan adi erreparatzea portaera-arauei eta “know-how”ari (jakin nola). Komunikazio-estrategiak audientzia espezifiko baterako egokitzea, ingurune digitalen kultura- eta belaunaldi-aniztasuna kontuan hartuta.
- 2.6 Nortasun digitalaren kudeaketa
- Identitate digital bat edo batzuk sortzea eta kudeatzea norberaren erreputazioa babestu ahal izateko, hainbat tresna, ingurune eta zerbitzu digitalen bidez norberak sortutako datuak tratatzeko.
- 3.1 Edukien garapena
- Eduki digitalak hainbat formatutan sortzea eta editatzea; bitarteko digitalen bidez adieraztea.
- 3.2 Eduki digitala integratzea eta berregitea
- Lehendik dagoen ezagutza-multzo batean informazioa eta edukia aldatzea, hobetzea eta integratzea eduki berriak, originalak eta esanguratsuak sortzeko.
- 3.3 Egile-eskubideak (Copyright) eta jabetza intelektualeko lizentziak
- Ulertzea nola eskatzen diren egile-eskubideak eta jabetza intelektualeko lizentziak dituzten datu, informazio eta eduki digitalak.
- 4.1 Gailuak babestea
- Gailu eta eduki digitalak babestea, eta ingurune digitaletako arriskuak eta mehatxuak ulertzea. Segurtasun-neurriak ezagutzea eta fidagarritasuna eta pribatutasuna kontuan hartzea.
- 4.2 Datu pertzonalen babesa eta pribatutasuna
- Datu pertsonalak eta pribatutasuna babestea ingurune digitaletan. Informazio pertsonal identifikagarria nola erabili eta partekatu ulertzea, eta norbera eta besteak kalteetatik babesteko gai izatea. Ulertzea zerbitzu digitalek “pribatutasun-politika” bat erabiltzen dutela datu pertsonalen erabilerari buruzko informazioa emateko.
- 4.3 Osasuna eta ongizatea babestea
- Teknologia digitalak erabiltzean osasun fisiko eta mentalerako arriskuak saihesteko gaitasunak. Norbera eta beste batzuk ingurune digitalen arriskuetatik babesteko gaitasuna (adibidez: cyber-bullying).
- 4.4 Ingurumenaren babesa
- Teknologia digitalaren eta haren erabileraren eraginaz jabetzea.
- 5.1 Arazo teknikoak konpontzea
- Gailu eta ingurune digitalen erabileran arazo teknikoak identifikatzea eta konpontzea (oinarrizkoenetatik hasita konplexuenetara).
- 5.2 Behar eta erantzun teknologikoak identifikatzea
- Beharrak ebaluatzea, tresna digitalak eta erantzun teknologiko posibleak identifikatzea, baloratzea, hautatzea eta erabiltzea, eta konponbideak ematea. Ingurune digitalak behar pertsonaletara egokitzea eta pertsonalizatzea (adibidez, irisgarritasuna).
- 5.4 Gaitasun digitaletan hutsuneak identifikatzea
- Nire gaitasun digitalak non hobetu edo eguneratu behar ditudan identifikatzea. Besteei beren gaitasun digitalak garatzen laguntzeko gai izatea. Autoikaskuntzarako aukerak bilatzea eta egunean egotea, mundu digitalaren bilakaeran.
Estekak eta dokumentazioa
-
Kategoria
Laguntza-ikastaroak -
Ikastaro mota
Aurrez aurrekoa -
Iraupena
10 ordu -
Zein gailuri zuzendua
PC eta Gailu mugikorrak -
Gaitasun digitalen maila
Oinarrizkoa A2 -
Edukiaren eguneratze-data
2023/03/01
Europar Batasunak finantzatutako proiektua, 19. osagaiaren ("Digital Skills" Gaitasun Digitalen Plan Nazionala), 1. inbertsioaren (Zeharkako Gaitasun Digitalak), Suspertze, Transformazio eta Erresilientzia Planaren esparruan – NextGenerationEU.
Informatu hurrengo datei buruz
Bilatu gehien interesatzen zaizkizun hurrengo datak, izena eman, eta zatoz gure ikastaroekin ikastera.
Horrelakoak dira gure aurrez aurreko ikastaroak
Lekua
Zure KZgunean emandako ikastaroak.
Irakasleak
Gure hezitzaileek emandako ikastaroak.
Ziurtagiria
Ikastaroa amaitzean, bertaratze-ziurtagiria eskuratuko duzu.
Formakuntza teoriko-praktikoa
Gure ikaskuntza-plataforman, ariketa praktikoak aurkituko dituzu.
Talde txikiak
Gure ikastaro guztietan talde txikiak izaten ditugu.
Zalantzak
Ikastaroa amaitu, eta zalantzak dituzula? Erreserbatu tutoretza bat gure hezitzaileekin.