Ikastaroak - KZgunea

Streaming teknologiak Internetetik edo beste sare batetik transmititzen diren edukiak ikusi eta entzuteko aukera ematen digu, fitxategia ikusi eta/edo entzuteko gailura datuak aldez aurretik deskargatu beharrik gabe. Ez da baliabide edo material askorik behar programak sortu eta erreproduzitzeko, eta, horri esker, gaur egun asko erabiltzen den komunikazio-modua izatea lortu da.

Zein da helburua?

Streaming-aren munduan sartzea
Zuzeneko grabazio eta transmisiorako OBS Studio tresna ezagutzea.
Egin transmisio bat zuzenean edo igo bideo bat plataforma

Betekizunak

Ordenagailuaren eta Interneten erabileran oinarrizko ezagutzak izatea.
Internet konexioa duen ordenagailu bat izatea.
Kamera eta mikrofonoa

Gomendagarria da Skype kontua eta mikrofonoa izatea bideotutoretzatan parte hartzeko.

Ikastaroaren laburpena

Sarrera: Streaminga, gehien erabiltzen diren plataformak eta mundu honetan sartzeko erabiltzen diren programak zer diren ikasiko dugu.
Lehen urratsak OBS Studiorekin: Gai honetan zehar, OBS studioren oinarrizko kontzeptuak ikasiko ditugu, nola erabili eta nola konfiguratu streaming egiteko. Gure lehen bideoa egiteko eman behar diren urrats txikiak ere ikusiko ditugu ikasgaietan.
Kontzeptu aurreratuak eta iragazkiak: OBS Studio programarekin lan egiteko oinarrizko kontzeptuak ikasi ditugu. Orain, beste ekintza batzuk ikusiko ditugu, gure bideoak egiteko orduan oso erabilgarriak izan daitezkeenak.
Gure lehen grabazioa prestatzen eta transmititzen: Gai honetan zehar, gure programak prestatzeko hainbat aholku ikusiko ditugu, gure streamingak sortzeko eta konfiguratzeko erabil dezakegun material erabilgarria; gaur egun mundu honetan egiten dena ere ikusiko dugu, eta gure lehen streaminga emango dugu.
Ebaluazio ariketak.

Aztertutako gaitasun digitalak

1. Informazioa eta datuak bilatzea eta kudeatzea

1.3 Datuak, informazioa eta eduki digitalak kudeatzea: Ingurune digitaletan datuak, informazioa eta edukiak antolatzea, biltegiratzea eta berreskuratzea. Ingurune egituratuetan antolatzea eta prozesatzea.

2. Komunikazioa eta lankidetza

2.1 Teknologia digitalen bidez elkarreragitea: Hainbat teknologia digitalen bidez elkarreragitea eta testuinguru jakin baterako egokiak diren komunikabide digitalak ulertzea.
2.2 Teknologia digitalen bidez partekatzea: Datuak, informazioa eta eduki digitalak beste batzuekin partekatzea, teknologia egokien bidez. Bitartekari gisa jardutea, erreferentziako eta atribuzioko jarduerak ezagutzea.

3. Eduki digitalak sortzea

3.1 Edukien garapena: Eduki digitalak hainbat formatutan sortzea eta editatzea; bitarteko digitalen bidez adieraztea.
3.2 Eduki digitala integratzea eta berregitea: Lehendik dagoen ezagutza-multzo batean informazioa eta edukia aldatzea, hobetzea eta integratzea eduki berriak, originalak eta esanguratsuak sortzeko.
3.3 Egile-eskubideak (Copyright) eta jabetza intelektualeko lizentziak: Ulertzea nola eskatzen diren egile-eskubideak eta jabetza intelektualeko lizentziak dituzten datu, informazio eta eduki digitalak.