BakQ ziurtagiria

BakQ ziurtagiria edozein gailutan erabil dezakegun identifikazio eta sinadura elektronikoko sistema bat da, inolako instalaziorik behar izan gabe. BakQ-i bidez, online egin ahal izango ditugu kontsultak eta tramiteak administrazio publikoen zerbitzuetan. Tramite elektronikoak ere egin ahal izango ditugu.

Zein da helburua?

  • BaKQ ziurtagiria lortzeko hitzordua eskatzen ikastea.
  • Gure smartphonean BaKQ ziurtagiriaren erabilera eta aukerak ikastea.
  • Gure PCan BaKQ ziurtagiriaren erabilera eta aukerak ikastea.

Betekizunak

  • Ordenagailuaren eta Interneten erabileran oinarrizko ezagutzak izatea.
  • BakQ identifikazioa eskura izatea.
    Kontsultatu hemen nola lortu BakQ.

Ikastaroaren laburpena

Lortu BaKQ
Zita bat erreserbatu, kontsultatu edo eskatutakoak bertan behera utz ditzakezu. Identifikatzeko erabili OTI-ren zenbakia (osasun txartel indibiduala) eta zure jaioteguna, edo osasun txartel elekronikoa.
BaKQ gure mugikorrean
Izenpe Mobile gure gailu mugikorrean instala dezakegun aplikazio ofiziala da, gure smartphonea identifikazio elektroniko segururako bitarteko gisa erabiltzeko aukera ematen diguna. Horren bidez, Izenperen biltegi zentralizatu batean dagoen BakQ nortasun digitalera sartuko gara.
BaKQ gure ordenagailuan
Gure ordenagailuan, edozein sistema eragilerekin eta ezer instalatu beharrik gabe, BakQ ziurtagiria erabiliz, administrazio publikoetako zerbitzuetan online kontsultatu eta izapidetu dezakegu, eta izapide elektronikoak egin.

Estekak eta dokumentazioa

BakQ ziurtagiria
  • 'e-Administrazioa' kategoriaren ikonoa

    Kategoria

    e-Administrazioa

  • Ikastaro mota

    Aurrez aurrekoa

  • Iraupena

    2 ordu

  • Zein gailuri zuzendua

    PC eta Gailu mugikorrak

  • Edukiaren eguneratze-data

    2023/01/27

Horrelakoak dira gure aurrez aurreko ikastaroak

Lekua

Zure KZgunean emandako ikastaroak.

Irakasleak

Gure hezitzaileek emandako ikastaroak.

Ziurtagiria

Ikastaroa amaitzean, bertaratze-ziurtagiria eskuratuko duzu.

Formakuntza teoriko-praktikoa

Gure ikaskuntza-plataforman, ariketa praktikoak aurkituko dituzu.

Talde txikiak

Gure ikastaro guztietan talde txikiak izaten ditugu.

Zalantzak

Ikastaroa amaitu, eta zalantzak dituzula? Erreserbatu tutoretza bat gure hezitzaileekin.