Zibersegurtasuna eta pribatutasuna sarean

Ezagutu sarean topa ditzakezun askotariko mehatxu eta arrisku motak, malwarea eta iruzurrak prebenitzeko hainbat gomendio aplikatuta. Ezagutu zure gailuak seguru mantentzeko tresnak eta teknikak, eta ikasi zer pribatutasun-eskubide dituzun sarean, Interneten seguru eta lasai nabigatzeko.

Zein da helburua?

  • Ezagutu sareko mehatxuak eta arriskuak.
  • Ikasi malwarea eta engainuak saihesteko segurtasun aholkuak.
  • Ezagutu hainbat pribatutasun eskubideak sarean.

Betekizunak

  • Android gailu baten, ordenagailuaren eta Interneten erabileran oinarrizko ezagutzak izatea.
  • Android gailu bat izatea.
  • Gomendagarria da gailuan memoria edukitzea ikastaroaren jarraipena egokia izan dadin.

Ikastaroaren laburpena

Sareko mehatxuak
Sarean topa ditzakezun askotariko mehatxuak eta arriskuak ezagutuko dituzu gai honetan zehar, hala nola hainbat motatako malwareak, phishinga, ziberjazarpena... Era berean, zure ekipoetan erasoak eta infekzioak nola hauteman ditzakezun ikasiko duzu, eta arazo horiek saihesteko gomendio txiki batzuk eta horiek konpontzeko tresnak izango dituzu eskura.
Segurtasun gomendioak
Malwarea eta sareko iruzurrak prebenitzeko hainbat segurtasun-gomendio ikasiko dituzu gai honetan zehar. Arazo posibleak nola hauteman, horiei nola aurre egin eta modu praktikoan eta errazean nola konpondu ikasiko duzu.
Gezurrak eta albiste faltsuak
Gai honetan, albiste faltsuak edo gezurrak zer diren ikusiko dugu. Gezurrezko albisteek zer ondorio dakarten ikusiko dugu. Identifikatzeko garaian kontuan izan beharreko puntuak zein diren ikasiko dugu. Gainera, gezurrezko edukiaren berri nola eman dezakegun ere ikasiko dugu.
Segurtasun-tresnak eta -neurriak
Gai honetan, zure gailuak babesten lagunduko dizuten hainbat segurtasun-tresna ezagutuko dituzu; tresna horiek non eskuratu, nola instalatu eta eraginkortasunez erabiltzen ikasiko duzu, Interneten nabigatzen duzun bitartean seguru egoteko.
Sareko pribatutasuna
Gai honetan, Sareko pribatutasun-eskubideak, guztionak, eta bete beharreko betebeharrak ikasiko dituzu; hori guztia indarrean dagoen legeria betez: DBLOa. Halaber, sare sozialak erabiltzean dauden arriskuak aztertuko ditugu, baita sare horien pribatutasunari eusteko eta haien erabilera segurua egiteko segurtasun-gomendio batzuk ere.
Onlineko erosketa seguruagoak
Gai honetan, erosketa seguruak egiteko webguneak eta plataformak erabiltzeko gomendio batzuk ezagutuko ditugu. Oporretarako etxeen alokairua kontratatzeko orduan gerta daitezkeen iruzurren aurrean zenbait aholku ikusiko ditugu. Salmenta osteko gomendioak eta modu seguruan ordaintzeko metodoak ezagutuko ditugu. Azkenik, iruzur baten biktima bagara zer egin behar dugun ikusiko dugu.

Aztertutako gaitasun digitalak

Estekak eta dokumentazioa

Zibersegurtasuna eta pribatutasuna sarean
  • 'Segurtasuna' kategoriaren ikonoa

    Kategoria

    Segurtasuna

  • Ikastaro mota

    Aurrez aurrekoa

  • Iraupena

    8 ordu

  • Zein gailuri zuzendua

    PC eta Gailu mugikorrak

  • Gaitasun digitalen maila

    Erdikoa B1
    Erdikoa B2

  • Edukiaren eguneratze-data

    2024/10/01
Europar Batasunak finantzatua - NextGenerationEU logoa
Ekonomia Gaietarako eta Eraldaketa Digitalerako Ministerioaren logoa
Berreskuratze, Eraldaketa eta Erresilientzia Planaren logoa
Eusko Jaurlaritzaren logoa

Europar Batasunak finantzatutako proiektua, 19. osagaiaren ("Digital Skills" Gaitasun Digitalen Plan Nazionala), 1. inbertsioaren (Zeharkako Gaitasun Digitalak), Suspertze, Transformazio eta Erresilientzia Planaren esparruan – NextGenerationEU.

Horrelakoak dira gure aurrez aurreko ikastaroak

Lekua

Zure KZgunean emandako ikastaroak.

Irakasleak

Gure hezitzaileek emandako ikastaroak.

Ziurtagiria

Ikastaroa amaitzean, bertaratze-ziurtagiria eskuratuko duzu.

Formakuntza teoriko-praktikoa

Gure ikaskuntza-plataforman, ariketa praktikoak aurkituko dituzu.

Talde txikiak

Gure ikastaro guztietan talde txikiak izaten ditugu.

Zalantzak

Ikastaroa amaitu, eta zalantzak dituzula? Erreserbatu tutoretza bat gure hezitzaileekin.