Ikasi Osakidetzako profesionalarekin aurrez aurreko edo telefono bidezko hitzordua eskatzen webgunearen bidez, erraz eta azkar. Sar zaitez osasun-karpetara zure ziurtagiri digitalarekin, Osakidetzan ditugun txostenak, tratamenduak, espezialistekiko hitzorduak eta itxaron-zerrendak kontsultatzeko.

Zein da helburua?

  • Izapide desberdinak Osakidetzako web orrialdetik nola egin ezagutu.
  • Osasun-karpetara nola sartu eta honek dituen aukerak ikusi eta ikasi.

Betekizunak

  • Ordenagailuaren eta Interneten erabileran oinarrizko ezagutzak izatea.
  • Osasun Txartela eta BakQ identifikazioa eskura izatea.
    Kontsultatu hemen nola lortu BakQ.

Ikastaroaren laburpena

Aurretiko hitzordua
Hitzordu bat erreserbatu, kontsultatu edo bertan behera utz dezakegu, edozein lekutatik, asteko 7 egunetan eta eguneko 24 orduetan. OTI zenbakiaren eta gure jaiotze-dataren bidez edo osasun-txartel elektronikoaren bidez identifikatu behar gara.
Osasun-karpeta I
Osasun-karpetatik, gure ziurtagiri digitalarekin, modu seguru eta konfidentzialean kontsulta dezakegu gure osasun-informazioa: txostenak, medikazioa, hurrengo hitzorduak eta gure osasunerako interesgarriak diren edukiak. Sartu 'Nire Osasun Karpetara' eta ezagutu zerbitzuak eskaintzen dizkizun aukerak!
Osasun-karpeta II
Osasun-karpetatik, gure ziurtagiri digitalarekin, modu seguru eta konfidentzialean kontsulta dezakegu gure osasun-informazioa: zure medikuarekin bidalitako mezua, zure itxaron-zerrenda kirurgikoak eta eskura ditugun inkesten zerrenda kontsultatu, inprimakiak eta gure osasunerako interesgarriak diren edukietara sartu.
Osakidetza zure gailuan
Gai honetan, ikasturtean zehar orain arte ikusitako guztia egiten ikasten dugu: aldez aurretik hitzordua erreserbatu gure medikuarekin, erizainarekin, kontsultatu edo hitzordu medikoak baliogabetu OTI zenbakiaren bidez. Gure txosten klinikoak ere ikus ditzakegu gure ziurtagiri digitalarekin eta modu seguruan gure gailuaren bidez.
EB-ko COVID Egiaztagiri Digitala
Gai honetan, COVID Digital EB ziurtagiria deskargatzen ikasten dugu, QR irakurketa duen dokumentua da, COVID-19aren pandemian zehar Europar Batasunaren barruan herritarren zirkulazio askea errazten duena, ziurtagiri hori duen pertsonari kontrolak arinduko baitzaizkio.

Aztertutako gaitasun digitalak

Estekak eta dokumentazioa

Online izapideak Osakidetzarekin
  • 'e-Administrazioa' kategoriaren ikonoa

    Kategoria

    e-Administrazioa
  • Ikastaro mota

    Aurrez aurrekoa
  • Iraupena

    4 ordu
  • Zein gailuri zuzendua

    PC eta Gailu mugikorrak
  • Gaitasun digitalen maila

    Oinarrizkoa A2
  • Edukiaren eguneratze-data

    2023/01/31
Europar Batasunak finantzatua - NextGenerationEU logoa
Ekonomia Gaietarako eta Eraldaketa Digitalerako Ministerioaren logoa
Berreskuratze, Eraldaketa eta Erresilientzia Planaren logoa
Eusko Jaurlaritzaren logoa

Europar Batasunak finantzatutako proiektua, 19. osagaiaren ("Digital Skills" Gaitasun Digitalen Plan Nazionala), 1. inbertsioaren (Zeharkako Gaitasun Digitalak), Suspertze, Transformazio eta Erresilientzia Planaren esparruan – NextGenerationEU.

Horrelakoak dira gure aurrez aurreko ikastaroak

Lekua

Zure KZgunean emandako ikastaroak.

Irakasleak

Gure hezitzaileek emandako ikastaroak.

Ziurtagiria

Ikastaroa amaitzean, bertaratze-ziurtagiria eskuratuko duzu.

Formakuntza teoriko-praktikoa

Gure ikaskuntza-plataforman, ariketa praktikoak aurkituko dituzu.

Talde txikiak

Gure ikastaro guztietan talde txikiak izaten ditugu.

Zalantzak

Ikastaroa amaitu, eta zalantzak dituzula? Erreserbatu tutoretza bat gure hezitzaileekin.