Googlek pertsonen eguneroko bizitza hobetzeko zerbitzu asko eskaintzen dizkigu. Googlek dituen aplikazioetako batzuk gure mugikorrean erabiltzen ikasiko dugu. Ikastaroan, hainbat zerbitzu ikusiko ditugu: Gmail posta elektronikoa, fitxategiak Google Driveko hodeian nola biltegiratu, gure argazkiak antolatuko ditugu Google Argazkiekin, mapetatik nabigatuko dugu Google Mapsekin, Google Calendar tresna nola erabili ikusiko dugu eta Google Keepekin oharrak eta zerrendak nola sortu ikusiko dugu.
Zein da helburua?
- Google aplikazio ezberdinak ezagutu.
- Google kontua bere aplikazio guztietan kudeatzeko gaitasuna hartu.
- Email-ak bidaltzen, jasotzen, ezabatzen, artxiboak gehitzen... ikasi.
- Google Maps-en zure ibilbidea planifikatzen eta aukera desberdinak erabiltzen ikasi.
- Google Argazkiak eta bere erremintak erabiltzen ikasi.
- Artxiboak lainora igotzen, deskargatzen eta partekatzen ikasi.
- Oharrak eta zerrendak idazten eta gordetzen ikasi.
- Egutegiak kudeatzen ikasi.
Betekizunak
- Android gailuaren erabileran oinarrizko ezagutzak izatea.
- Android gailu bat izatea.
- Gomendagarria da gailuan memoria edikutzea ikastaroaren jarraipena egokia izan dadin.
Ikastaroaren laburpena
- Googleren aplikazioak
- Googleren aplikazioak Googlek erregistratutako erabiltzaileei eskaintzen dizkien beste erabiltzaile batzuekin komunikatzeko eta lankidetzan aritzeko tresnak dira. Zerbitzu mugagabeak eskaintzen dituzten aplikazio ugari ditugu eskuragarri. Aplikazioak instalatzen eta eguneratzen ere ikasiko dugu.
- Gmail
- Gmail Googlek eskaintzen duen posta elektronikoaren doako zerbitzua da. Atal honetan, bere funtzio nagusiak ezagutuko ditugu, hala nola mezu elektronikoak nola bidali eta jaso, mezu elektronikoetan atxikitako fitxategiak deskargatzen ikasiko dugu, mezuak antolatzeko hainbat modu ikusiko ditugu eta mezuak nola ezabatu ere ikasiko dugu.
- Google Drive
- Google Drive Googleren doako zerbitzua da eta fitxategiak gordetzeko, sortzeko, igotzeko eta online partekatzeko balio du. Funtzio nagusiak ezagutuko ditugu, hala nola fitxategiak nola sortu, igo, editatu eta ezabatu, eta fitxategiak partekatzen eta deskargatzen ikasiko dugu. Halaber, zerbitzuak zer abantaila eskaintzen dituen ikusiko dugu.
- Google Maps
- Google Maps mapen web-plataforma da. Horri esker, munduko edozein txokotako intereseko tokiak arakatu eta helbideak topa ditzakegu. Zerbitzu nagusiak ezagutuko ditugu, hala nola lekuak bilatzea, mapan nabigatzea, ibilbidea kalkulatzea, partekatzea... Halaber, intereseko lekuak gordetzen ikasiko dugu, zerrendatan antolatuta.
- Google Fotos
- Google Fotos Googleren tresna bat da eta gure argazkiak hodeian biltegiratzeko eta antolatzeko aukera ematen digu. Atal honetan bere funtzio nagusiak ezagutuko ditugu, segurtasun-kopiak egiten, argazkiak igotzen eta editatzen eta albumetan antolatzen ikasiko dugu. Halaber, argazkiak edo albumak nola partekatu eta hodeitik nola ezabatu ikusiko dugu.
- Google Calendar
- Google Calendar gure egunerokoa antolatzeko egutegiak erabiltzeko aukera ematen digun Googleren doako zerbitzua da. Aplikazioak eskaintzen dituen funtzio nagusietako batzuk ezagutuko ditugu. Ekitaldiak zein zereginak sortzen, editatzen eta ezabatzen ikasiko dugu.
- Google Keep
- Google Keep doako aplikazioa da eta oharrak sortzeko eta antolatzeko aukera ematen du, testua, irudiak edo ahotsa gehituz. Oharrak automatikoki gorde eta sinkronizatu egiten dira. Hala, edozein mugikorretatik sar daiteke haietara. Ikastaroan funtzio nagusiak ezagutuko ditugu; oharrak sortzea, abisuak, irudiak gehitzea eta askoz gehiago.
Aztertutako gaitasun digitalak
- 1.1 Datuak, informazioa eta eduki digitalak bilatzea, iragaztea eta haietan nabigatzea
- Ingurune digitaletan informazio-beharrak artikulatzea, datuak, informazioa eta edukiak bilatzea, horiek eskuratzeko eta haietan nabigatzeko. Bilaketa-estrategia pertsonalak sortzea eta eguneratzea.
- 1.3 Datuak, informazioa eta eduki digitalak kudeatzea
- Ingurune digitaletan datuak, informazioa eta edukiak antolatzea, biltegiratzea eta berreskuratzea. Ingurune egituratuetan antolatzea eta prozesatzea.
- 2.1 Teknologia digitalen bidez elkarreragitea
- Hainbat teknologia digitalen bidez elkarreragitea eta testuinguru jakin baterako egokiak diren komunikabide digitalak ulertzea.
- 2.2 Teknologia digitalen bidez partekatzea
- Datuak, informazioa eta eduki digitalak beste batzuekin partekatzea, teknologia egokien bidez. Bitartekari gisa jardutea, erreferentziako eta atribuzioko jarduerak ezagutzea.
- 3.1 Edukien garapena
- Eduki digitalak hainbat formatutan sortzea eta editatzea; bitarteko digitalen bidez adieraztea.
- 3.2 Eduki digitala integratzea eta berregitea
- Lehendik dagoen ezagutza-multzo batean informazioa eta edukia aldatzea, hobetzea eta integratzea eduki berriak, originalak eta esanguratsuak sortzeko.
Estekak eta dokumentazioa
-
Kategoria
Produktibitatea -
Ikastaro mota
Aurrez aurrekoa -
Iraupena
18 ordu -
Zein gailuri zuzendua
Gailu mugikorrak -
Gaitasun digitalen maila
Erdikoa B1
Erdikoa B2 -
Edukiaren eguneratze-data
2025/04/01
Europar Batasunak finantzatutako proiektua, 19. osagaiaren ("Digital Skills" Gaitasun Digitalen Plan Nazionala), 1. inbertsioaren (Zeharkako Gaitasun Digitalak), Suspertze, Transformazio eta Erresilientzia Planaren esparruan – NextGenerationEU.
Informatu hurrengo datei buruz
Bilatu gehien interesatzen zaizkizun hurrengo datak, izena eman, eta zatoz gure ikastaroekin ikastera.
Horrelakoak dira gure aurrez aurreko ikastaroak
Lekua
Zure KZgunean emandako ikastaroak.
Irakasleak
Gure hezitzaileek emandako ikastaroak.
Ziurtagiria
Ikastaroa amaitzean, bertaratze-ziurtagiria eskuratuko duzu.
Formakuntza teoriko-praktikoa
Gure ikaskuntza-plataforman, ariketa praktikoak aurkituko dituzu.
Talde txikiak
Gure ikastaro guztietan talde txikiak izaten ditugu.
Zalantzak
Ikastaroa amaitu, eta zalantzak dituzula? Erreserbatu tutoretza bat gure hezitzaileekin.