Ikastaroak - KZgunea

LibreOffice ofimatika-pakete libreko eta kode irekiko softwarea da, DocumentFoundation-ek garatua. Tresna hau multiplataforma da: egungo edozein sistema eragiletan exekuta daiteke. Ikastaroan programa hauekin lan egingo dugu: Writer, testu-tratamenduko programa; Calc, kalkulu-orria, eta Impress, aurkezpen-editorea eta bere tresnak.

Zein da helburua?

Testu dokumentu bat sortzeko orduan kontuan hartu beharreko jarraibideak ezagutu eta dituen tresnen erabilera ikasi.
Kalkulu orri bat eta oinarrizko eragiketak basiko egiten ikasi.
Diapositibak eta aurkezpenak sortzeko programaren funtzioak ezagutu.
Egindako dokumentuak kudeatzen ikasi (gorde, inprimatu, bistaratu eta abar).

Betekizunak

Ordenagailuaren eta Interneten erabileran oinarrizko ezagutzak izatea.

Ikastaroaren laburpena

LibreOffice: LibreOffice bulego-pakete ahaltsu bat da. Inferfaze garbia eta ahalmen handiko tresnak ditu, zure sormena askatzeko eta zure produktibitatea hazteko bide ematen dutenak. Tresnetan sakonduko dugu: Writer, testu-tratamenduko programa, Calc, kalkulu-orria eta Impress, aurkezpen-editorea.
LibreOffice Writer. Zure testu dokumentuak sortu: LibreOffice Writer testu-tratamenduko programa bat da: testu-dokumentuak sortu, editatu eta alda ditzakegu, eta horiei formatu pertsonalizatua eman diezaiekegu. Testu bat idazten dugu, irudiak eta taulak txertatzen ditugu..., eta tresna-aukerak nola erabili ikasten dugu.
LibreOffice Calc. Zure kalkulu orriak sortu: LibreOffice Calc kalkulu-orri bat da, balio duena datuak —normalean numerikoak— sartzeko eta horiek manipulatzeko, nahi den emaitza lortzeko. Ikastaro honetan gelaxkak erabiltzen, oinarrizko funtzioak erabiltzen, eta ematen den informazioa azaltzen duten diagramak txertatzen ikasiko dugu.
LibreOffice Impress. Aurkezpenak sortu: LibreOffice Impress tresna benetan bikaina da diapositiba-aurkezpenak egiteko. Marrazkian erraz erabiltzeko tresna-sorta aukera zabala dauka, eta horri esker, gure aurkezpenak estilo berezia izango du. Soinua, trantsizioak edo efektu animatuak ere sar ditzakegu gure aurkezpenetan.

Aztertutako gaitasun digitalak

3. Eduki digitalak sortzea

3.1 Edukien garapena: Eduki digitalak hainbat formatutan sortzea eta editatzea; bitarteko digitalen bidez adieraztea.
3.2 Eduki digitala integratzea eta berregitea: Lehendik dagoen ezagutza-multzo batean informazioa eta edukia aldatzea, hobetzea eta integratzea eduki berriak, originalak eta esanguratsuak sortzeko.