Izapidetu zure MUGI garraio-txartela KZgunean

KZguneko hezitzaileek MUGI garraio-txartelaren tramitazioan aholkatzen dizute

MUGI eta KZgunearen arteko lankidetzari esker, orain MUGI txartela eska edo berritu dezakezu KZgunea zentroetan, hezitzaileen aholkularitzarekin. MUGI Gipuzkoako garraio txartela da, eta txartel berarekin garraio publiko guztietan bidaiatzeko aukera ematen du.

KZguneko hezitzaileen aholkularitzarekin MUGI txartela eskatu edo berritu ahal izateko, hitzordua eskatu behar da KZgunearen webgunetik edo 945 062 555 telefonora deituta. Hitzordua eska dezakezu zure lehentasuneko KZgunean: kontsultatu hemen KZgunea sarea osatzen duten zentroei buruzko informazioa. MUGI txartela tramitatzeko, zure hitzordura honako dokumentazio honekin joan beharko duzu:

• NAN, AIZ edo pasaportea
• Karnetaren argazkia
• Kreditu-txartela (web-erosketetarako aktiboa)
• Helbide elektronikoa
• Telefono mugikorra

Modu errazean, KZguneko hezitzaileek aholku emango dizute zure MUGI txartelaren alta- edo berritze-prozesua egiteko. Oso erraz! MUGI txartelari buruzko informazio gehiago behar baduzu, MUGIren webgunera jo dezakezu: www.mugi.eus

KZguneak 20 urte baino gehiago daramatza lanean euskal herritarrek teknologia berriek izan ditzaketen zailtasunak gaindi ditzaten. Eten digitala presente dago gure gizartean, bereziki adinekoen kolektiboan: inor atzean gera ez dadin, KZguneak teknologia berrien ikaskuntza eta erabilera ahalik eta gehien errazteko modua bilatzen du.