KZguneko bi zerbitzu berri, pandemian sortuak, geratzeko etorri dira

Bideokonferentzia bidezko formakuntza eta zuzeneko hitzaldiak pandemiaren hasieran sortu ziren, aurrez aurreko formakuntzen alternatiba gisa. Harrera ona ikusita, KZguneak zerbitzu hauek eskaintzen eta optimizatzen jarraituko du.

Konfinamenduan, bizitzaren alderdi gehienak gelditu egin ziren, baina ez ordea erabiltzaileengandik ikasteko gogoa. Horregatik, herritarrak distantziatik trebatzen jarraitzeko modua bilatu zuen KZguneak. Honela sortu ziren bideokonferentzia bidezko prestakuntzak eta zuzeneko hitzaldiak.

Zabalkuntzaren unetik, harrera oso ona izan zuten erabiltzaileen artean, eta, beraz, hilabete hauetan KZguneak hobera egin du dagoen eskaerari erantzuteko. Zehazki, zenbait aurrez aurreko ikastaro batzuk egokitu dira bideokonferentzia bidez emateko, bi egun eta bi orduko saioetan. Honela, 2021ean, hezitzaileek 1.564 orduko prestakuntza pertsonalizatua, zuzena eta profesionala eskaini zuten. Mila erabiltzaile inguruk parte hartu zuten KZgunetik eskaintzen diren 20 ikastaroetan: egun arrakasta handiena dutenak ‘Google Drive. Bildu eta partekatu zure artxiboak’, ‘Google Argazkiak. Antolatu zure argazki guztiak’ eta ‘Informatika hodeian. Ezagutu zer den hodeia’ dira.

Zuzeneko hitzaldiek, IKT gaiak zabaltzeko asmoarekin, 15.000 erreprodukzio baino gehiagorekin itxi zuten 2021. Ordu erdiko pilula hauek milaka pertsonei jakinarazten diete ’Zer da adimen artifiziala eta machine learning delakoa?’, ‘Zer dira kriptomonetak eta zertarako erabiltzen dira?’ edo ‘Doako filmen atariak’, beste askoren artean.

Bi zerbitzu horiek eskaini ziren unetik izan duten arrakasta eta eskaintzen dituzten jarraitutasun-aukera zabalak direla eta, KZguneak zerbitzu horiek indartzen jarraituko du, pertsona guztiek prestakuntza jaso ahal izan dezaten eta hezitzaileekin komunikatu ahal izan daitezen, dauden lekuan daudela eta bizi diren lekuan bizi direla.