KZguneako komunitateak gora egiten du hilero sare sozialetan

Gero eta pertsona gehiagok aurkitzen dute Twitter, Instagram eta Facebookeko @KZguneaTIC kontuan IKTei buruzko informazio interesgarria jaso, komentatu eta partekatzeko lekua.

2022ko hirugarren hiruhilekoan, KZguneak datu onuragarriak lortu ditu Twitterren, Instagramen eta Facebooken, jarraitzaileei, irismenari, inpresioei eta elkarrekintzari dagokionez. Batez beste, @KZguneaTIC -k urtero ehuneko eta erdi jarraitzaile berri baino gehiago lortzen ditu hiru sare sozialetan.

Twitterren, KZguneak 3.371 jarraitzailerekin itxi du 2022ko hirugarren hiruhilekoa, 2021eko epe berean baino 200 jarraitzaile gehiagorekin. Gainera, KZgunearen interakzio-tasa iaz baino %114 handiagoa da. Datu honek azaleratzen du @KZguneaTIC jarraitzen duten pertsonek eduki interesgarria aurkitzen dutela besteei partekatzeko, bertxiotzeko, erantzuteko edo esteketan sartzeko.

KZguneak Facebooken duen orriak ere ospatu dezake gero eta jarraitzaile gehiago dituela; zehazki, 3.702 jarraitzaile ditu. Facebooken, jarraitzaileek gehien baloratzen dutena irudiak eta bideoak dira; beraz, edukiek ikus-entzunezko elementuak izaten dituzte, batez ere, eta kanpoko estekak ere bai, informazio gehiago jasotzeko.

Azkenik, KZguneak bat egin duen azken sare sozialean, Instagramen, % 5eko igoera izan du astero jarraitzaileen artean, eta % 20koa profilerako bisiten artean. Azken batean, Instagram informazioa modu bisualagoan partekatzeaz gain, jarraitzaileen erantzun zuzenak eta erreakzioak jasotzeko gune bihurtzen ari da KZgunearentzat, eta oso positiboki baloratzen den hurbiltasuna ematen dio KZguneari.

Sare sozialak tresna egokiak dira IKTei buruzko informazioa partekatzeko eta komunitate bat sorteko informazioa jasotzeaz gain, hori partekatu eta ekarpen interesgarriekin aberasten duena, KZgunearen zutabeetako bat.