KZgunea Euskalitekin eta honen Kudeaketa Aurreratuaren balioak helarazteko helburuarekin batera

KZgunea, ikasteko kezkak inolako bereizketarik ez duela defendatuz, Euskalit bideo-lehiaketara aurkeztuda.

"KZgunea zentroen sareak 20 urte baino gehiago daramatza pertsonak teknologia berrietan trebatzen. Gure 230 zentro baino gehiagotik milaka pertsona igaro dira, bakoitza historia eta behar desberdinekin. " Horrela hasten da KZguneak Euskalit bideo-lehiaketan aurkeztu duen bideoa. Bertan, mundu digitalera leihoa ireki eta KZgunearekin Gaitasun Digitalak eskuratzea erabaki duten klausurako komentuko hiru mojen kasua kontatzen da.

KZguneak bere zerbitzuan gehien baloratzen duen alderdietako bat teknologietan trebatzera jotzen duten erabiltzaileen aniztasuna da. Bakoitzak abiapuntu desberdina du, eta urtero zentroetara joaten diren milaka pertsonak helburu bat partekatzen dute: teknologiak oztopo ez izatea osotasunez bizi ahal izateko.

Horren jakitun izanik, KZguneak teknologien munduan gertatzen ari diren aldaketetara egokitu nahi da etengabe, sortzen ari diren tresnetarako formakuntzak eskainiz, hala nola Adimen Artifiziala edo Streaminga.

KZguneak defendatzen du pertsona bakoitzaren bizimodua ez dela oztopo, beti baitago teknologietatik ikasteko tartea eskaintzen dituen modalitate desberdinei esker. Erabiltzaileen artean aurrez aurreko formakuntza da gehien eskatzen den modalitatea, eta, horrez gain, oso interesgarriak dira urruneko formakuntzak, bideokonferentzia bidezko formakuntzak, aurrez aurreko hitzaldiak eta zuzeneko hitzaldiak.

KZguneak zerbitzua herritar guztien artean ezagutzera emateko helburuari jarraituz, 2025ean Euskalit bideo-lehiaketara aurkeztu da, eta 9. edizio honetako 6 finalisten artean geratu da. 5 minutu baino gutxiagoko bideo baten bidez, Josephine, Regina eta Maria de Lourdesen teknologietarako bidea aurkezten da. Lasarteko Las Brigidas klausurako komentuko hiru moja hauek urratsa eman dute eta KZgunera joaten hasi dira beren egunerokotasunean teknologiekin moldatzeko.

Euskalit bideo-lehiaketak Kudeaketa Aurreratua gizarteari hurbiltzea du helburu, formatu sortzaile, irisgarri eta bisualen bidez. KZgunearen lan-ildoarekin bat datorren lehiaketa da, eta doako zerbitzu hau herritar guztiei ezagutarazteko leihoa da.

KZguneari zerbitzua ezagutarazten lagundu nahi badiozu, egin klik hemen eta bozkatu urriaren 10era arte!