KZguneak %92,5eko gogobetetze-maila lortu du 2019an emandako zerbitzuaren balorazio orokorrean

KZgunearen gogobetetasun-inkestak datu positiboak eman ditu erabiltzaileek 2019an eskainitako zerbitzuari buruz duten iritziz.

Aurreko urteetan bezala, KZguneak 2019ko urteko gogobetetze-inkesta egin die KZgunearen erabiltzaile aktiboei, eskainitako zerbitzuari buruz duten gogobetetze-maila ezagutzeko. Inkesta hori hiru multzo handitan banatzen da: zerbitzuaren balorazio orokorra, zerbitzu moten balorazioa eta, azkenik, gomendio-indizea.

Hala, KZgunearen zerbitzuaren balorazio orokorra %92,5ekoa da, honela xehatuta:

• Erabiltzaileen %94,9 pozik dago KZguneko langileek emandako informazioarekin eta emandako arretarekin.
• Erabiltzaileen %80,8 pozik dago hedabideetako berrikuntzen sustapenarekin (posta elektronikoa, sare sozialak, webgunea, buletina …).
• Erabiltzaileen %84,3 pozik dago KZguneetan eskainitako zerbitzuei buruz dagoen informazioarekin (liburuxken, kartelen eta abarren bidez).
• Erabiltzaileen %93,1 pozik dago KZguneko Gune Pertsonalarekin.

Araban, KZgunearen balorazio orokorra %89,6koa da; Bizkaian, % 92ra igotzen da, eta Gipuzkoa da KZgunearen zerbitzuak hobekien puntuatzen dituen lurralde historikoa, %94,5eko gogobetetze-mailarekin.

Bigarren blokeak, zerbitzu-moten balorazioari buruzkoak, %90,3ko puntuazio orokorra du. KZgunearen aurrez aurreko formakuntzari, urruneko formakuntzari, hitzaldiei, tutoretzei eta sare sozialei buruzko iritzia jasotzen da bloke honetan.

Hirugarrenik eta azkenik, KZgunearen zerbitzuen gomendio-indizea – zerbitzuaren erabiltzaileen fideltasuna neurtzen duena– %52,7 da.

KZgunearen urteko gogobetetze-inkesta

Telefono bidezko inkesta hau egiteko, KZguneak ausaz hautatu ditu KZguneak emandako zerbitzuren batean parte hartu duten erabiltzaileak. Era berean, hautaketa hori laginketa proportzional bati jarraituz egin da, erabiltzaileen alta-probintzia kontuan hartuta, horrela lurralde historiko bakoitzaren ikuspegi bat izateko.