KZguneak Q-epea diploma jaso du 2021-2023 Zerbitzu Kartaren ebaluazioagatik

Aurten ere, Q-epeak kalitate-estandarrak betetzen direla egiaztatzen duen diploma eman dio KZgunea proiektuari.

Laugarrenez, KZguneak 2021-2023 Zerbitzu Kartaren ziurtagiria jaso du Q-epearen eskutik (Kudeaketa Aurreratuan lan egiten duten euskal erakunde publikoen sarea). Diplomak joan den urriaren 29an banatu ziren, Eusko Jaurlaritzaren egoitza nagusiko Euskaldun Berria aretoan (Vitoria-Gasteiz).

Horrela, ebaluatutako erakundeei ziurtagiriak banatu zitzaizkien, urriaren 18tik 29ra bitartean Euskalitek antolatutako Kudeaketa Aurreratuaren 27. Kudeaketa Aurreratuaren Europako Astearen esparruan, "Eraldaketa Digitala Pertsonengan" lelopean.

Diplomen banaketa jardunaldi baten barruan egin zen. Bertan, KZgunearen parte den 2025eko Euskadiko Eraldaketa Digitalaren Estrategia (ETDE2025) eta KZgunearen laguntzaile den IKANOS proiektua aurkeztu ziren. Halaber, esperientzia praktikoen mahai bat egon zen hainbat erakunderekin, hala nola, Lantegi Batuakekin edo Tolosaldea ESIrekin. Q-epeak diplomak banatu ondoren, bertaratuek Munduko Bankuak irakaskuntzan eta ikaskuntzan (EdTech) Informazioaren eta Komunikazioaren Teknologiak erabiltzeari buruz duen politika ezagutu ahal izan zuten.