Berrikuntza eta Etorkizun Digitala: Telekomunikazioen eta Informazioaren Gizartearen Munduko Egunaren leloa

Maiatzaren 17an Telekomunikazioen eta Informazioaren Gizartearen Munduko Eguna da, eta helburua telekomunikazioek eta teknologiak gizartean duten funtsezko zeregina nabarmentzea da.

"Berrikuntza eta Etorkizun Digitala" goiburuarekin, Telekomunikazioen eta Informazioaren Gizartearen Munduko Egun honetarako, aurrerapen teknologikoak ospatzera eta gizarte digitalean oraindik ere dauden erronkei buruz hausnartzera gonbidatzen da.

Nazio Batuen Erakundearen arabera, teknologiek eta berrikuntza digitalak Garapen Iraunkorreko Helburuen jomugen % 70 lortzen lagun dezakete, klima-aldaketaren aurkako borrokatik hasi eta pobrezia eta gosea amaitu arte. Horregatik, funtsezkoa da herrialde guztietan trebetasun digitalak garatzeko inbertsioak egitea, batez ere mundu digitalean ibilbide laburragoa duten herrialdeetan. Erakunde beraren arabera, oraindik 2.600 milioi pertsona deskonektatuta daude, eta horrek eten digital handiak eragiten ditu, berrikuntza bateratua oztopatzen dutenak.

Gainera, teknologia berriek eragin positiboa dute hainbat arlotan. Ikuspegi sozialetik, eragin nabarmena izan dute osasun-sistemetan, gaixotasunen prebentzioan, jarraipenean, diagnostikoan eta tratamenduan online informazioa eskuratuz. Hezkuntzaren arloan, irakaskuntza-, ikerkuntza- eta ezagutza-baliabideak eta -tresnak eskuratzen laguntzen du. Bestalde, berrikuntzaren arloan, baliabideen eta prozeduren kudeaketa eraginkorragoa ahalbidetzen dute, enpresa-kudeaketa ona izan dadin.

2025eko Telekomunikazioen eta Informazioaren Gizartearen Munduko Egun honetan genero-berdintasun digitalean aurrera egiteko beharra ere nabarmentzen da, mundu osoko emakumeek eta neskek eraldaketa digitalak eskaintzen dituen aukerak eskuratu ahal izango dituztela ziurtatuz.

Horregatik guztiagatik, maiatzaren 17an munduko komunitatea sentsibilizatu nahi da Internet eta beste Informazio eta Komunikazio Teknologien erabiltzearen garrantziaz etorkizun hobea eraikitzeko, mundu digitaleko berrikuntzan fokua jarriz eta nola honek garapen soziala eta ekonomikoa nola bultza dezakeen.

KZguneak bat egiten du Informazioaren eta Komunikazioaren Teknologiek gizartean duen eragin positiboan hausnartzeko eta ospatzeko jardunaldi honetan, baita gizarte-lan bateratu batekin etor daitezkeen hobekuntzetan ere.

IKTetan trebatzeko zentroen sare publikoak 24 urte baino gehiago daramatza euskal gizartea teknologietan gaitzen eta beharrezko ezagutzak zabaltzen, horiek beren bizitzetan oso tresna erabilgarria izan daitezen, eta inoiz ez oztopo.