Egin zaitez KZguneako 2024ko egutegiarekin

KZguneak 2024ko egutegia prestatu du, erabiltzaileentzat doan eskuragarri dagoena KZgunea zentroetan

Aurreko urteetan bezala, KZguneak jai egun ofizial guztiak eta KZguneak zerbitzua prestatzen duen egun guztiak biltzen dituen egutegia prestatu du. Egutegi honek, 12 irudi eta 12 leloen bidez, KZguneak gizarteari helarazi nahi dizkion balaioak eta asmoak islatzen ditu.

KZgunearen egutegiak, hilabete bakoitzean, azaleko irudi bat, KZgunearen ezaugarriak eta helburuak biltzen dituen lelo bat, hileko egunei eta ilargiaren faseei buruzko atal bat eta ohar garrantzitsuak idazteko atal berezi bat ditu.

Euskal lurraldean zehar dauden KZguneetan bi egutegi-eredu daude erabiltzaileen eskura. Eredu bat mahaigaineko bertsioa da; modu independentean eusten den formatu txikiago baina erabilgarri batean. Beste modeloa hormaren bertsioa da; egutegi zabalagoa da, horma batean zintzilikatzeko, hainbat angelutatik eroso ikusteko eta hainbat aipamen garrantzitsu idazteko.

Egutegi erakargarria eta bisuala da; bertan, erabiltzaileek kontsulta dezakete zer egunetan joan daitezkeen beren KZgunera prestakuntza jasotzera, aholkularitza jasotzera edo ekipoak erabiltzera.

Albiste honen alboan KZgunearen egutegiaren azala eta lehenengo bi hilabeteak aurkituko dituzu. 2024an KZguneak lagun zaitzan eskuratu nahi baduzu, etorri KZgunea zentro batera eta zurea izango da!