KZguneak telefonoz eta posta elektronikoz argituko ditu zure zalantza teknologiko guztiak, zentroak ireki arte

KZguneak Eusko Jaurlaritzako beste zerbitzu batzuekin elkarlanean dihardu, herritarren artean sor daitezkeen zalantza teknologikoak argitzeko.

Zentroetan formakuntza-jarduera eten ondoren eta Covid-19ko epidemia geldiarazteko hartutako segurtasun-neurrien ondorioz mugikortasuna murriztu ondoren, KZgunean beharrezkoa ikusten dugu gure zerbitzuak ematen jarraitzea eten digitalean dauden pertsonei egoera horretan laguntzeko.

Hala, KZguneak euskal herritarren zalantza teknologikoak argitzeko sistema bat modelatzen ari da, zentroetan fisikoki egotea eskatzen ez duten baina zerbitzu hori behar duten erabiltzaileek erabiltzeko errazak diren kanalen bidez. Beraz, arreta telefonoz edota posta elektronikoaren bidez izango da.

Hainbat bide daude zabalik euskarri honen bidez, eta horietako bat Eusko Jaurlaritzako Hezkuntza Sailak irakaskuntza-jarduerarekin %100ean online jarraitzeko hartutako erabakiarekin lotuta dago. Horregatik, zerbitzu honen lehentasunezko helburuetako bat izango da aholkularitza edo gidalerroak behar dituzten familiei laguntza ematea, beren gaitasun digitalak areagotzeko eta, horrela, beren seme-alabei lagundu ahal izateko ikastetxeek gaur egun ikasle guztiei bidaltzen dizkieten online zereginetan.

Era berean, Informazioaren eta Komunikazioaren Teknologiei (IKT) buruzko edozein zalantza argitzeko laguntza behar duen edonork telefonoz edo posta elektronikoz egin dezake kontsulta. Zehazki, KZguneak funtsezkoa ikusten du laguntza ematea online erosketetan, banku-izapideetan eta abarretan laguntza behar duten kolektiboei, batez ere adinekoei, eta eragiketa horiek, orain bai ala bai, etxetik egin behar dira eta ez dakite ondo funtzionatzen. Adinekoen egoitzek behar duten babesa ere eman genezake senideen eta egoiliarren artean bideokonferentziak egiteko.

Horregatik, era horretako kontsultetarako, erabiltzaileek gure kanalak -telefonoa eta posta elektronikoa- erabil ditzakete, eta zalantzak argitzen lagunduko diegu.

Zalantza teknologikoak ebazteko urrutiko zerbitzua ematen duten KZguneen ordutegiak eta harremanetarako modua kontsultatu hemen.

Azkenik, KZgunearen Ikaskuntza Plataforma kontsulta dezakezu. Plataforma horrek normalean aurrez aurre ematen ditugun ikastaro guztietako materiala jasotzen du, bai eta IKTei (Informazioaren eta Komunikazioaren Teknologiak) buruzko gure bloga eta Youtubeko kanala ere.